Oludasilẹ ijọ Living Faith, Bishop David Oyedepo, ti kede idajọ Ọlọrun sorii gbogbo awọn to n ṣagbatẹru ifẹmiṣofo ati awọn to ni inu didun si wahala eto aabo orileede Naijiria.
Nigba to n waasu lọjọ Aiku Sannde ọsẹ yii ni Oyedepo sọ pe ṣe ni awọn alakatakiti ẹsin Islam ọhun fẹẹ pa ohun to n jẹ Kristiẹni run patapata lorileede yii, eleyii to ni ko nii ṣe e ṣe.
O ni ohun to ṣẹlẹ ninu ijọ CAC, Eruku nipinlẹ Kwara lọsẹ to kọja fi han gbangba pe awọn Kristiẹni ni wọn n ṣe inunibini si, opurọ si lawọn ti wọn sọ pe ko ri bẹẹ
Olusọaguntan Oyedepo sọ siwaju pe ina ti jo de orii koko bayii pẹlu bi ijinigbe ṣe di okoowo nla nipasẹ eyi ti awọn ajinigbe n gba obitibiti miliọnu naira lọwọ ẹni to ba ti ko si wọn lọwọ.
O ke si gbogbo awọn ọmọ ijọ Winners kaakiri agbaye lati bẹrẹ iṣọ-oru ọlọjọ meje laarin aago mejila si aago kan oru, pẹlu idaniloju pe iṣẹlẹ nla yoo ṣẹlẹ lagbo awọn to n yọ orileede Naijiria lẹnu laarin ọjọ meje ọhun.
No comments:
Post a Comment