Iroyin to n tẹ wa lọwọ bayii ti fi han pe awọn ọmọ ijọ CAC, Eruku nijọba ibilẹ Ekiti nipinlẹ Kwara, ti awọn agbebọn ji gbe lọ ti gba ominira.
Ọjọ Wẹsidee to kọja lawọn afẹmiṣofo ọhun ya wọnuu ijọ CAC Oke Iṣẹgun lasiko ti wọn n ṣe isin irọlẹ lọwọ.
Wọn pa eeyan marun, nigba ti wọn ko awọn olujọsin mejidinlogoji wọnu igbọ lọ.
Nigba to di alẹ ọjọ keji lawọn agbebọn naa beere miliọnu lọna ọgọrun naira fun itusilẹ ọkọọkan awọn ti wọn ko ọhun.
Amọ ṣa, ijọba ibilẹ Kwara ti kede lọjọ Aiku Sannde pe awọn ti gba itusilẹ awọn olujọsin ọhun.
Bijọba ko tilẹ sọ boya wọn san owo itusilẹ tabi wọn ko san an, wọn dupẹ lọwọ Aarẹ Tinubu ati awọn ọmọ ileeṣẹ ologun ilẹ wa fun akitiyan wọn lori itusilẹ naa.
No comments:
Post a Comment