Inu si Makinde bi n'Ileefe, ladajo ba ni ko loo sodun logba ewon

Tolulope Emmanuel, Osogbo

Ase loooto ni pe ibinu o mo pe olowo oun ko lese nile, bii igba pe Julius Makinde ati oree re, Ropo James n la ala ni nigba ti adajo pase pe ki won loo maa gbategun logba ewon di odun to n bo.

Esun meta otooto to nii se pelu igbimopo huwa buburu, dida omi alaafia agbegbe ru ati didoju ija ko eeyan ni won fi kan awon mejeeji.

Makinde eni odun mokandinlogun ati James omo ogun odun ni won ni won huwa naa lojo kokandinlogun osu kokanla odun yii.

Inspekito Emmanel Abdullahi to soju ileese olopa salaye funle ejo pe nnkan aago marun irole nisele naa sele lagbegbe Community Grammar School, Ondo Road, Ile-Ife.

Abdullahi salaye pe nse ni awon olujejo mejeeji da ija igboro sile lagbegbe ohun nirole ojo naa eleyii to yori si aibale aya fawon olugbe agbegbe naa.

Koda, lojo naa, won ni awon olujejo ohun gun okunrin kan to n je Rasheed Lukman nigo lapa, to  si je pe digbadigba ni won gbe e lo sileewosan.

Abdullahi ni iwa naa lodi si ofin iwa odaran ti odun 2003 tipinle Osun n lo. Sugbon awon mejeeji ni awon ko jebi esun naa, bee ni won ko si ni agbejoro kankan to n sojuu won.

Ninu idajo re, Majistreeti Olalekan Ijiyode so pe toun ba faaye beeli sile fun awon olujejo, se ni yoo dabi eni pe ile ejo n fun awon omoota lagbara sii.

Idi niyii to fi pase, lati le je eko fawon onijagidijagan miin pelu awon ti won maa n da omi alaafia ilu ru kaakiri, pe kawon olopa loo fi awon olujejo mejeejo pamo sogba ewon.

Leyin naa lo sun igbejo siwaju di ojo karun osu kinni odun to n bo.