Gbogbo eto lo ti to bayii lati gbalejo olori orileede yii tẹlẹ, Ajagunfẹyinti Yakubu Gowon, GCFR, nipinlẹ Ọṣun lọjọọ Sannde, ọjọ kẹrinlelogun oṣu kẹjọ ọdun yii.
Eto adura apapọ laarin awọn onigbagbọ ni iha Iwọ-Oorun orileede yii ti wọn pe ni Nigeria Prays ni baba naa n bọ fun.
Gẹgẹ bi alakoso Nigeria Prays nipinlẹ Ọṣun, Reverend Mic Ọlabomi, ṣe wi, gomina ipinlẹ Ọṣun, Ṣẹnetọ Ademọla Adeleke, to jẹ olugbalejo-agba, yoo wa nikalẹ nibi eto adura ọlọjọ kan ọhun.
Akori eto adura ti yoo waye ni Redeemed Christian Church of God, Breakthrough Cathedral, Region 43 Headquarters, Ọlọsan, loju ọna Ogo-Oluwa niluu Oṣogbo laago mẹta ọsan, ọhun ni 'Jẹ ki imọlẹ ki o wa (Genesisi 1:3).'
Adebomi sọ siwaju pe eto adura ọhun wa lati wa oju Ọlọrun fun orileede Naijiria ati awọn adarii rẹ, o si ke si awọn ipinlẹ alamulegbe lati darapọ ninu eto adura ọhun.
Ọdun 1996 ni Ajagunfẹyinti Yakubu Gowon gba imisi lati gbe Nigeria Prays kalẹ, lati fi naa ṣipẹ fun orileede Naijiria, o si wa kaakiri ipinlẹ lorileede yii.
No comments:
Post a Comment