Ijọba ipinlẹ Ọṣun ti sọ pe nigba ti ojulowo atupalẹ iwe idajọ ti wọn fi ju Apetu ti ilu Ipetumodu nijọba ibilẹ Ariwa Ifẹ, Ọba Joseph Oloyede sẹwọn lorileede Amẹrika ba tẹ awọn lọwọ lawọn yoo too gbe igbesẹ kankan lori ọrọ rẹ.
Ọba Oloyede, ẹni ọdun mejilelọgọta, ni wọn ju sẹwọn ọdun mẹrin ati oṣu mẹjọ lorileede Amẹrika laipẹ yii lori ẹsun ṣiṣe owo iranwọ Covid 19 baṣubaṣu.
Kọmiṣanna fun ọrọ ijọba ibilẹ ati oye jijẹ l'Ọṣun, Doṣu Babatunde, sọ pe ijọba ko le dede gbe igbesẹ lori ọrọ to n lọ ni ikanni ayelujara.
O ni idajọ naa le jẹ ootọ, ṣugbọn ko ti i si akọsilẹ rẹ niwaju ijọba.
Nitori naa, Babatunde sọ pe ijọba yoo ranṣẹ lati gba ojulowo atupalẹ idajọ naa ti Onidajọ Christopher Boyko gbe kalẹ ni US District Court lọjọ Tusidee to kọja, léyin naa nijọba yoo kede igbesẹ ti wọn fẹẹ gbe lori ọrọ naa.
No comments:
Post a Comment