Ile ẹjọ giga ijọba apapọ to wa niluu Abuja ti ju ajijagbara fun orileede Biafra nni, Nnamdi Kanu, si ẹwọn gbere.
Adajọ kootu naa, Onidajọ James Ọmọtọshọ sọ pe agbesunmọmi agbaye ni Kanu pẹlu bo ṣe leri nigba kan pe oun yoo ju bọnbu si ẹnbasi Amẹrika ati British High Commissioner si ilẹ Naijiria tẹlẹ, Catriona Laing.
Ọmọtọshọ sọ siwaju pe bi Kanu ṣe kede ninu redio lọjọ kọkanlelogun oṣu kẹwaa ọdun 2020 pe ki awọn ọmọlẹyin oun wọnu igbo, ki wọn si bẹrẹ si i doju ija kọ awọn ọmọ ileeṣẹ ologun ti wọn ba ri jẹ iwa iditẹ mọ orileede ẹni.
Ninu ẹsun meje ti wọn fi kan Kanu, adajọ ju u si ẹwọn gbere lori ẹsun mẹrin ọtọọtọ dipo idajọ iku to yẹ ko fun un.
Bakan naa lo ju u si ẹwọn ogun ọdun lori ẹsun keji ati ẹwọn ọdun marun lori ẹsun keje.
No comments:
Post a Comment