Ẹgbẹ oṣelu New Nigeria Peoples Party (NNPP) ti sun asiko ti gbigba fọọmu erongba lati dupo gomina ipinlẹ Ọṣun labẹ asia ẹgbẹ naa yoo wa sopin siwaju sii.
Ọjọ kọkanlelogun oṣu Kọkanla ọdun yii ni wọn sọ pe gbigba fọọmu naa yoo wa sopin tẹlẹ, ti idibo abẹle wọn yoo si waye lọjọ kẹẹdogun oṣu Kejila ọdun yii, ṣugbọn wọn ti sun un siwaju bayii.
Gẹgẹ bi alaga ẹgbẹ NNPP l'Ọṣun, Dokita Tosin Ọdẹyẹmi, ṣe sọ, ọjọ karun oṣu Kejila ni gbigba fọọmu yii yoo to wa sopin.
O ni igbesẹ naa ko ṣẹyin ipinnu ẹgbẹ lati fun awọn miran ti wọn tun fẹẹ dije funpo gomina lọdọ wọn lanfaani ọjọ diẹ si.
Ọdẹyẹmi ṣalaye pe oludije bii mẹrin ni wọn ti fifẹ han lati dije ninu ẹgbẹ NNPP, anfaani si tun wa sii fun ẹni to ba mọ pe oun kunju osunwọn lati dupo naa.
No comments:
Post a Comment