Gomina Ademọla Adeleke ti sọ pe ki i ṣe asiko tijọba orileede Amẹrika le maa dunkoko mọ orileede Naijiria niyii rara, bi ko ṣe ki wọn fọwọsowọpọ pẹlu Aarẹ Tinubu lati fopin si wahala aisi eto aabo to ti di ojoojumọ bii ẹkun apọkọjẹ bayii.
Laipẹ ni Aarẹ orileede Amẹrika, Donald Trump, kede pe awọn n bọ wa kogun ja awọn afẹmiṣofo to n da awọn onigbagbọ laamu lorileede Naijiria.
Latigba naa si ni oniruuru ọrọ ti n lọ lorii rẹ. Bi awọn kan ṣe n sọ pe igbesẹ to dara ni Trump fẹẹ gbe lawọn miran n sọ pe ohun to wa lẹyin ẹfa ọrọ naa yoo ju eje lọ.
Amọ, Gomina Adeleke, nipasẹ agbẹnusọ rẹ, Mallam Ọlawale Rasheed, ti sọ pe ṣe ni kijọba Amẹrika gbe igbesẹ lati ran Aarẹ Tinubu lọwọ lori eto aabo nitori kikogun wa ko le yanju wahala naa.
Adeleke, ẹni to kẹdun pẹlu awọn mọlẹbi ti wọn ti padanu awọn eeyan wọn sọwọ awọn afẹmiṣofo yii, sọ pe ti ifikunlukun to nitumọ ba le waye laarin ijọba Naijiria ati ti Amẹrika, ọna abayọ yoo wa.
O ni ṣe ni ki awọn ijọba ilẹ okeere ṣatilẹyin fun awọn ọmọ ileeṣẹ ologun orileede yii lati koju awọn afẹmiṣofo, gbogbo ipenija yii yoo si rokun igbagbe.
No comments:
Post a Comment