Alaga ẹgbẹ oṣelu All Progressives Congress ni iha Iwọ-Oorun ipinlẹ Ọṣun, Hon. Ọmọlaoye O. Akintọla, ti ke si awọn ọmọ ẹgbẹ naa lati maṣe kaarẹ titi ti wọn yoo fi gbajọba kuro lọwọ ẹgbẹ PDP lọdun 2026.
O ke si gbogbo awọn to ti to ọmọ ọdun mejidinlogun lati jade fun iforukọsilẹ awọn oludibo to n lọ lọwọ, ki wọn si gba kaadi idibo nitori ohun nikan ni agbara ti wọn ni lati fi yan oludije to ba wu wọn.
Eleyii wa lara abajade ipade oloṣooṣu ti ẹgbẹ naa niha Iwọ-Oorun Ọṣun ṣe niluu Ikire nijọba ibilẹ Irewọle lọjọ keje oṣu Kọkanla ọdun yii.
Wọn gboriyin fun Aarẹ Bọla Ahmed Tinubu, Oloye Bisi Akande, Alhaji Gboyega Oyetọla, Ẹnjinia Ṣọla Akinwumi ati gbogbo awọn ọmọ ẹgbẹ APC kaakiri fun ipa ti wọn n ko lati mu ki ẹgbẹ naa gbooro si i.
Bakan naa ni wọn gbe sadankata fun awọn oludije funpo gomina Ọṣun lati Iwọ-Oorun fun bi wọn ṣe n gba alaafia laaye, wọn si rọ wọn lati maa tẹ siwaju.
Wọn ke si awọn alakoso ijọba ibilẹ gbogbo lati gbajumọ idagbasoke ẹsẹkuku, wọn si sọ pẹlu idaniloju pe didun lọsan yoo so fun ẹgbẹ naa lọdun 2026.
No comments:
Post a Comment