Igbimọ Agba ẹgbẹ oṣelu All Progressives Congressives nipinlẹ Ọṣun ti ṣapejuwe iku Ọwa ti Igbajọ, Ọba Philips Adegboyega Famọdun gẹgẹ bii ajalu nla ti ẹnikẹni ko rokan rẹ lasiko yii.
Ninu ọrọ ibanikẹdun ti alaga wọn, Ẹnjinia Ṣọla Akinwumi, fi sita lo ti sọ pe Ọba Famọdun jẹ opo kan pataki ninu igbimọ naa, idi si niyẹn ti iku rẹ fi jẹ ibanujẹ nla fun wọn.
Wọn ba awọn mọlẹbi, awọn eeyan ilu Igbajọ atawọn ọmọ ẹgbẹ oṣelu APC to to figba kan ri jẹ alaga wọn, kẹdun iku ori-ade yii.
Akinwumi sọ siwaju pe yoo ṣoro fun ẹnikẹni lati le di alafo ipa pataki to maa n ko ninu Igbimọ Agba Ọṣun.
Bẹẹ ni wọn gbadura pe ki Ọlọrun tu iyawo oloogbe ninu, ko si fun wọn loore-ọfẹ fun itunu lasiko to nira yii.
No comments:
Post a Comment