Igbimọ Agba ninu ẹgbẹ oṣelu All Progressives Congress ti parọwa si awọn to ti fi erongba wọn han lati dije funpo gomina ipinlẹ Ọṣun ninu ẹgbẹ naa lati ni suuru diẹ ko too di pe wọn a maa gba fọọmu erongba ati fọọmu idije.
Ninu atẹjade kan ti wọn fi sita lẹyin ipade wọn to waye lọjọ kẹrinla oṣu Kọkanla ọdun yii ni alaga Igbimọ Agba Ọṣun, Ẹnjinia Sọla Akinwumi ti parọwa yii.
Akinwumi ṣalaye pe igbimọ kan ti wọn yan lori ọrọ idibo gomina ti yoo waye lọjọ kẹjọ oṣu Kẹjọ ọdun 2026 ti pari iṣẹ wọn, wọn si ti gbe abọ iwadii wọn jade.
O ni awọn tun ti waa gbe igbimọ miran kalẹ bayii lati ṣayẹwo gbogbo awọn to ti fi erongba wọn han lati dije, nitori naa, ki awọn oludije koraro diẹ titi tigbimọ naa yoo fi pari iṣẹ wọn.
Ẹnjinia Akinwumi fi kun ọrọ rẹ pe ni kete tigbimọ naa ba ti pari iṣẹ wọn, awọn oludije le bẹrẹ sii gba gbogbo fọọmu to yẹ lati gba.
Lọwọlọwọ, eeyan bii mẹtala ni wọn ti fi erongba wọn han lati du tikẹẹti ẹgbẹ APC fun idibo gomina yii, ọjọ kẹẹdogun oṣu Kejila ọdun yii si ni ajọ INEC fun gbogbo ẹgbẹ oṣelu da lati fa ọmọ-oye kalẹ.
Ọjọ'Bọ Tọsidee to kọja ni ọkan lara awọn oludije ninu ẹgbẹ APC, Sẹnetọ Iyiọla Omiṣore lọọ gba fọọmu erongba niluu Abuja pẹlu miliọnu lọna aadọta naira.
Ijoba Ibile Yio Ni Ominira Labe Isejoba Gomina Peter Adebayo Babalola.
ReplyDelete